ഷാരൂഖ് ഖാനെ നായകനാക്കി ആറ്റ്ലി സംവിധാനത്തിൽ ആദ്യ ബോളിവുഡ് ത്രില്ലർ ചിത്രമായ ജവാനിലെ ആദ്യ ഗാനമായ ‘സിന്ദാ ബന്ദ’ ഇന്ന് പുറത്തിറങ്ങി, ടി സീരിസ് എന്ന യൂട്യൂബ് ചാനലിൽ ഒരു ഇടിവെട്ടോടെയാണ് ഗാനം പുറത്തിറങ്ങിയത്.
” തത്ത്വങ്ങൾ അപകടത്തിലാകുമ്പോൾ, ഒരാൾ പോരാടണം, ഈ യുദ്ധമാണ് നിങ്ങളെ ജീവിപ്പിക്കുന്നത്! ചെറിയൊരു മാറ്റത്തോടെ ഈ മനോഹരമായ ഈരടികൾ ഉപയോഗിക്കാൻ ഞങ്ങളെ അനുവദിച്ചതിന് വസീം ബറേൽവി സാഹബിന് ഞാൻ പൂർണ്ണഹൃദയത്തോടെ നന്ദി പറയുന്നു.ഇർഷാദ് കാമിൽ സാർ എഴുതിയ ഗാനത്തിന് സംഗീതം നൽകിയിരിക്കുന്നത് എന്റെ പ്രിയ സുഹൃത്ത് അനിരുദ്ധാണ്.സിന്ദാ ബന്ദയെ അവതരിപ്പിക്കുന്നു! ” എന്ന ക്യാപ്‌ഷനോടെയാണ് ഗാനം സോഷ്യൽ മിഡിയയിൽ പങ്കു വച്ച് കൊണ്ട് ഷാരൂഖ് ഖാൻ കുറിച്ചത്.
ആയിരത്തോളം നർത്തകിന്മാരോടൊപ്പം ചുവന്ന ഷർട്ടും, കറുത്ത പാന്റും ധരിച്ച് മാസ്സ് ലുക്കിൽ വരുന്ന ഷാരൂഖ് ഖാനെയാണ് ഗാനത്തിന്റ തൊടുക്കം കാണുന്നത്, ഗാനത്തിൽ ഷാരൂഖാനൊപ്പം പ്രിയ മാണിയും, സന്യ മൽഹോത്രയും ഗാനത്തിലുണ്ട്. ചെന്നൈ എക്സ്പ്രസ്സ്‌ എന്ന ചിത്രത്തിലെ ഗാനത്തിനു ശേഷം ഷാരൂഖ് ഖാനും പ്രിയ മാണിയും വീണ്ടും ഒന്നിക്കുന്ന ചിത്രം കൂടിയാണ് ജവാൻ.
ഇർഷാദ് കാമിൽ എഴുതിയ ഗാനത്തിന് അനിരുദ്ധ് ഒരുക്കിയ ഗാനം ഹിന്ദി, തമിഴ്, തെലുങ്ക് എന്നി ഭാഷയിൽ റിലീസ് ചെയ്തു, ഹിന്ദി ഗാനത്തിൽ ‘സിന്ദാ ബന്ദ ‘എന്നും , തമിഴ് ഗാനത്തിൽ ‘വന്ധ ഇടം ‘ എന്നും, തെലുങ്കിൽ ‘ ധുംമേ ധൂലിപേല ‘ എന്നുമാണ് പേരിട്ടിരിക്കുന്നത്.
ചിത്രത്തിൽ നയൻ‌താരയാണ് നായികയായി എത്തുന്നത്, പോലീസ് കഥാപാത്രമായിട്ടാണ് നയൻ‌താര എത്തുന്നത് എന്ന് ട്രൈലെറിൽ കാണാം. വില്ലൻ വേഷത്തിലെത്തുന്നത് തമിഴ് നടൻ വിജയ് സേതുപതിയാണ്, ചിത്രത്തിൽ അഥിതി വേഷത്തിൽ ബോളിവുഡ് താരം ദീപിക പദുക്കോൺ.
സമൂഹത്തിലെ തെറ്റുകൾ തിരുത്താൻ തയ്യാറെടുക്കുന്ന ഒരു മനുഷ്യന്റെ വൈകാരിക യാത്രയുടെ രൂപരേഖ നൽകുന്ന ഒരു ഹൈ-ഒക്ടെയ്ൻ ആക്ഷൻ ത്രില്ലർ ചിത്രമാണ് ജവാൻ, ഇതിനോടകം തന്നെ ചിത്രത്തിന്റെ ട്രൈലെർ പുറത്തിറങ്ങിയിരുന്നു. ആരാധകർ ട്രൈലെർ കണ്ടതോടെ ചിത്രത്തിന് ഏറെ പ്രതിക്ഷയോടെയാണ് കാത്തിരിക്കുന്നത്, പല പല ലൂക്കിലുള്ള വേഷത്തിലാണ് ഷാരൂഖ് ഖാനെ ട്രൈലെറിൽ കാണാൻ സാധിച്ചത്. ഈ അടുത്തിടെയാണ് മൊട്ടയടിച്ചുള്ള ലുക്കിലുള്ള ഷാരൂഖ് ഖാന്റെ പോസ്റ്റർ പുറത്തിറക്കിയത്.
ചന്ദ്രബോസ് ആണ് ചിത്രത്തിലെ ഗാനത്തിന് വരികൾ നൽകിയിരിക്കുന്നത്, റെഡ് ചില്ലിസിന്റെ ബാനറിൽ ഷാരൂഖ് ഖാന്റെ ഭാര്യ ഗൗരി ഖാനാണ് ജവാൻ നിർമ്മിക്കുന്നത്. ഹിന്ദി, തമിഴ്, തെലുങ്ക് എന്നി ഭാഷയിൽ 2023 സെപ്റ്റംബർ 7 ന് തിയറ്ററിൽ റിലീസ് ചെയ്യുന്നതാണ്.