ഇത്രയും നാൾ മോഹൻലാലിന്റെ വീഴ്ച്ചയെ പരിഹസിച്ചു നടന്നവരെ കൊണ്ട്, ഇപ്പോൾ ഒരൊറ്റ എതിർ അഭിപ്രായം പോലുമില്ലാതെ പോസിറ്റീവ് മാത്രം പറയിപ്പിക്കുന്ന ചിത്രമായിരിക്കുകയാണ് ‘നേര്’.
ജീത്തു ജോസഫിന്റെ സംവിധാനത്തിൽ ഇമോഷണൽ കോർട്ട് റൂം ഡ്രാമയായ ‘നേര്’, 9 ദിവസം കൊണ്ട് 50 കോടിയാണ് നേടിയത്. ചിത്രത്തിൽ അഭിനച്ച ഓരോത്തരുടെയും കഥാപാത്രങ്ങൾ മികച്ച രീതിയിലാണ് സ്ക്രീനിൽ അവതരിപ്പിച്ചിരിക്കുന്നത്.
‘നേര്’ൽ ലാലേട്ടന്റെ തിരിച്ചു വരവ് എന്നാണ് തിയറ്ററിൽ നിന്ന് കണ്ടിറങ്ങിയ പ്രേക്ഷകരുടെ അഭിപ്രായം. എന്നാൽ ഇപ്പോഴിതാ, ‘നേര്’ൽ ലാലേട്ടന്റെ തിരിച്ചു വരവാണെന്ന് പേർസണലി തോന്നിട്ടില്ല എന്ന് പറയുകയാണ് പ്രിയാമണി.
” എനിക്ക് പേർസണലി ആയിട്ട് അങ്ങനെ തോന്നിട്ടില്ല, പക്ഷെ പ്രേക്ഷകരുടെ കാഴ്ച്ചപാടിൽ കാണുമ്പോൾ ഇതുവരെയുള്ള ചിത്രങ്ങളിൽ ലാലേട്ടന്റെ ഒരു തിരിച്ച് വരവ് തന്നെയായിരിക്കും. പക്ഷെ ഇപ്പോൾ നേര് തൊട്ട് ലാലേട്ടൻ തിരിച്ച് വന്നിരിക്കുകയാണ്”.
“ഞാൻ മോഹൻലാൽ സാറിന്റെ വലിയ ഫാൻ കൂടിയാണ്, അപ്പോൾ എന്റെ പേർസണലി സാറിന്റെ ഒരുപാട് ചിത്രങ്ങൾ ഞാൻ കണ്ടിട്ടുണ്ട്. അതുകൊണ്ട് പ്രേക്ഷകർ എന്ത് കൊണ്ട് അങ്ങനെ പറയുന്നു എന്ന് എനിക്ക് മനസ്സിലാക്കാം” പ്രിയാമണി പറഞ്ഞു.
“മോഹൻലാൽ സാർ സ്ക്രീനിൽ വന്നു കഴിഞ്ഞാൽ തന്നെ ഇഷ്ട്ടമാണ്, മോഹൻലാൽ എന്ന് ഒരു നടൻ കംപ്ലീറ്റ് ആക്ടർ ആണ്. ലാലേട്ടൻ ചെയ്യുന്ന ഏത് കഥാപാത്രം ആയാലും ഏത് ഭാഷയായാലും ചെയ്യുന്നത് ഗംഭീരമായിട്ടാണ്. മലയാളത്തിലുപരി പാൻ ഇന്ത്യയിൽ വർക്ക് ചെയ്യുന്ന സാറിന്റെ അഭിനയം ഏത് പ്രേക്ഷകർക്കും ഇഷ്ട്ടപ്പെടുന്നതാണ്” എന്ന് പ്രിയാമണി കൂട്ടിചേർത്തു