പാ രഞ്ജിത്ത് സംവിധാനം ചെയ്ത് അടുത്ത് വർഷം ജനുവരി 24-ന് റിലീസ് ചെയ്യാൻ ഒരുങ്ങുന്ന ചിത്രമാണ് ‘തങ്കലാൻ’. ചിയാൻ വിക്രം പ്രധാന വേഷത്തിലെത്തുന്ന ‘തങ്കലാൻ’ ചിത്രത്തിന്റെ ഞെട്ടിക്കുന്ന രീതിയിൽ ഉള്ള ടീസർ ഇന്ന് പുറത്തു വിടുകയുണ്ടായി.
‘തങ്കലാൻ’ വെറുമൊരു സിനിമ അല്ലയെന്നും രാവിലെ മുതൽ രാത്രി വരെ തുടർച്ചയായി ഷൂട്ടിംഗ് കാരണം വിശ്രമിക്കാൻ പോലും സമയം കിട്ടിയിട്ടില്ല എന്ന് ‘തങ്കലാൻ’ ടീസർ ലോഞ്ചിടെ ചിയാൻ വിക്രം സംസാരിക്കുകയുണ്ടായിരുന്നു. “
‘തങ്കലാൻ’ വെറുമൊരു സിനിമ മാത്രമായിരിക്കില്ല, കന്താര ചെറിയ ചിത്രമാണെങ്കിലും ദേശീയ തലത്തിൽ സ്വീകാര്യത നേടിയിട്ടുണ്ട്. അതുപോലെ തങ്കലാൻ ഇന്ത്യൻ സിനിമയുടെ ഒരു കണ്ണ് തുറക്കും, കൂടാതെ ലോക സിനിമയ്ക്കും പ്രതീക്ഷിക്കാം. ഷൂട്ടിങ്ങിനിടെ അക്ഷരാർത്ഥത്തിൽ കെ.ജി.എഫ്- ക്കാരുടെ ജീവിതമാണ് ഞാൻ ജീവിച്ചത്.”
” ബ്രിട്ടീഷ് ഭരണകാലത്ത് ജീവിച്ചിരുന്ന സമൂഹത്തെ കുറിച്ചാണ് ചിത്രം പറയുന്നത്, അവരുടെ ജീവിതശൈലി, വേദന, സന്തോഷം, എല്ലാം ഈ സിനിമയിൽ കാണിച്ചിരുന്നു. തത്സമയ ശബ്ദത്തിലാണ് ചിത്രം നിർമ്മിച്ചിരിക്കുന്നത്, അത് വളരെ കഠിനവും മിക്ക സീനുകളും ഒറ്റ ഷോട്ടുകളായിരുന്നു. വിശ്രമിക്കാൻ പോലും സമയം കിട്ടില്ല, രാവിലെ മുതൽ രാത്രി വരെ ഷൂട്ടിംഗ് തുടർച്ചയായി നടക്കും സെറ്റിൽ കസേരകളൊന്നും ഉണ്ടാകില്ല. പിതാമഗൻ, രാവണൻ തുടങ്ങിയ സിനിമകളാണ് ഇതുവരെ കഷ്ടപ്പെട്ടിട്ടുള്ളത് തങ്കലാനുമായി താരതമ്യം ചെയ്താൽ അത് മൂന്ന് ശതമാനം പോലുമില്ലെന്നും” ചിയാൻ വിക്രം പറഞ്ഞു.
മാളവിക മോഹനൻ, പാർവതി എന്നിവരാണ് ചിത്രത്തിലെ മറ്റ് താരങ്ങൾ, സ്റ്റുഡിയോ ഗ്രീൻ, നീലം എന്നി ബാനറിൽ കെ ഇ ജ്ഞാനവേൽരാജ ആണ് ചിത്രം നിർമ്മിക്കുന്നത്. ഇന്ന് പുറത്തിറങ്ങിയ ടീസർ മണിക്കൂർ കൊണ്ട് യൂട്യൂബിൽ ട്രാൻഡിങ്ങിൽ നിൽക്കുന്ന ‘തങ്കലാൻ’ ടീസർ കണ്ടത് 21 ലക്ഷം പേരാണ്.