മമ്മൂട്ടി വൈശാഖ് കൂട്ട്ക്കെട്ടിൽ വരാനിരിക്കുന്ന ചിത്രത്തിന്റെ ടൈറ്റിൽ പോസ്റ്റർ ഇന്ന് പുറത്തിറങ്ങി, ‘ടർബോ’ എന്നാണ് ചിത്രത്തിന് പേര് നൽകിയിരിക്കുന്നത്. മിഥുൻ മാനുവൽ തോമസ് തിരക്കഥയിൽ ഒരുങ്ങുന്ന ‘ടർബോ’ മമ്മൂട്ടി കമ്പനിയുടെ ബാനറിലാണ് ചിത്രം നിർമ്മിക്കുന്നത്.
ചിത്രത്തിന് സംഗീത സംവിധാനം നിർവഹിക്കുന്നത് ജസ്റ്റിൻ വർഗീസ് ആണ്, വിഷ്ണു ശർമ ചിത്രത്തിന് ഛായഗ്രഹണം നിർഹിക്കുമ്പോൾ ഷമീർ മുഹമ്മദാണ് എഡിറ്റിങ്ങ് കൈകാര്യം ചെയ്യുന്നത്. ചിത്രത്തിന്റെ ഷൂട്ടിംഗ് ഇന്ന് തുടക്കമിടും, 100 ദിവസത്തെ ഷൂട്ടാണ് പ്ലാൻ ചെയ്തിരിക്കുന്നത്.
പോക്കിരിരാജ, മധുരരാജ് എന്നി രണ്ട് ചിത്രങ്ങൾക്ക് ശേഷമാണ് വൈശാഖ് മമ്മൂട്ടി കോമ്പോ വീണ്ടും ഒന്നിക്കുന്നതിൽ ആരാധകർ ഏറെ പ്രതിക്ഷയോടെയാണ് കാത്തിരിക്കുന്നത്. കൂടാതെ നൽപകൽ നേരത്ത് മയക്കം, റോഷാക്ക്, കാതൽ, കണ്ണൂർ സ്‌ക്വാഡ് എന്നി ചിത്രങ്ങൾക്ക് ശേഷം മമ്മൂട്ടി കമ്പനി ബാനറിൽ ഒരുങ്ങുന്ന അഞ്ചാമത്തെ ചിത്രം കൂടിയാണ് ‘ടർബോ.
തിയറ്ററിൽ മികച്ച അഭിപ്രായത്തോടെ സൂപ്പർ ഹിറ്റായി ഓടിക്കൊണ്ടിരിക്കുന്ന കണ്ണൂർ സ്‌ക്വാഡ് ചിത്രമാണ് മമ്മൂട്ടിയുടെ അവസാനമായി പുറത്തിറങ്ങിയ ചിത്രം, യഥാർത്ഥ കഥയെ അടിസ്ഥാനമാക്കി റോബിൻ വർഗീസ് രാജ് സംവിധാനം ചെയ്ത ചിത്രം 100 കോടിയോളമാണ് നേടിയത്.