പാൻ ഇന്ത്യൻ മലയാളി താരം എന്ന പട്ടികയുടെ മുൻ നിരയിൽ തന്നെ സ്ഥാനം നേടിട്ടുള്ള നടന്നാണ് ദുൽഖർ സൽമാൻ, ദുൽഖുർ ആരാധകർ ഏറെ ആകാംഷയോടെ കാത്തിരിക്കുന്ന കിംഗ് ഓഫ് കൊത്തയുടെ മാരകമായ ട്രൈലെർ ഇന്ന് പുറത്തിറങ്ങി, 2 മിനിറ്റും 34 സെക്കന്റ്‌ ദൈർഘ്യമേറിയ കിങ് ഓഫ് കൊത്തയുടെ ട്രൈലെർ സീ സ്റ്റുഡിയോയാണ് പുറത്തുവിട്ടത്.മോഹൻലാൽ, സൂര്യ, നാഗാർജുന എന്നിവരാണ് കിങ് ഓഫ് കൊത്തയുടെ ട്രൈലെർ ഒഫീഷ്യലായി റിലീസ് ചെയ്തത്, മിനിറ്റുകൾക്കുള്ളിൽ തന്നെ ലക്ഷക്കണക്കിനാണ് ആളുകൾ കിങ് ഓഫ് കൊത്തയുടെ ഒഫീഷ്യൽ ട്രൈലെർ കണ്ടത്. ചിത്രത്തിൽ രാജു എന്ന കഥാപാത്രമായിട്ടാണ് ദുൽഖർ സൽമാൻ എത്തുന്നത്, ദുൽഖറിന്റെ മാസ്സ് ഡയലോഗ് കൊണ്ട് തന്നെ ട്രൈലെർ ആരാധകരിൽ ഹരം കൊണ്ടിരിക്കുകയാണ്.
ദുൽഖറിന്റെ പിറന്നാൾ ദിനം ചിത്രത്തിലെ ആദ്യഗാനമായ ‘കലാപക്കാര’ പുറത്തിറങ്ങിയിരുന്നു, ടീസറിന് ശേഷമുള്ള ചിത്രത്തിലെ അടുത്ത തീപ്പൊരിയായിരുന്നു ‘കലാപക്കാര’ ഗാനം. സോഷ്യൽ മീഡിയയിൽ തരംഗം സൃഷ്ട്ടിച്ചിരുന്ന ‘കലാപക്കാര’ ഗാനത്തിൽ റിതിക സിംഗ് ആണ് ഐറ്റം ഡാൻസിന് ചുവടുറപ്പിച്ചത്.
അഭിലാഷ് ജോഷി സംവിധാനം ചെയ്ത കിങ് ഓഫ് കൊത്ത ബിഗ് ബഡ്ജറ്റ് ചിത്രം കൂടിയാണ്, ദുൽഖറിനെ കൂടാതെ ഐശ്വര്യ ലക്ഷ്മി , ഡാൻസിങ് റോസ് ഷബീർ , പ്രസന്ന , നയില ഉഷ , ചെമ്പൻ വിനോദ് , ഗോകുൽ സുരേഷ് , ഷമ്മി തിലകൻ , ശാന്തി കൃഷ്ണ , വാടാ ചെന്നൈ ശരണം , അനിഖ സുരേന്ദ്രൻ തുടങ്ങിയവരാണ് ചിത്രത്തിൽ മറ്റ്‌ അഭിനയതാക്കൾ.
ചിത്രത്തിന്റെ ഓരോ അപ്ഡേറ്റും ആരാധകർ ആകാംഷയോടെയാണ് നോക്കി കണ്ടത്, ഇതിനോടകം തന്നെ ചിത്രത്തിന്റെ മോഷൻ പോസ്റ്ററും, ബിജിഎം ആരാധകരിൽ ഇടം പിടിച്ചു കഴിഞ്ഞു. ദുൽഖർ സൽമാന്റെ വേഫെറർ ഫിലിംസും സീ സ്റ്റുഡിയോസും ചേർന്ന് നിർമ്മിക്കുന്ന കിങ് ഓഫ് കൊത്ത, ഓണം പ്രമാണിച്ച് ഈ വർഷം 2023 ഓഗസ്റ്റ് തിയറ്ററിൽ റിലീസ് ചെയ്യുന്നതാണ്.