ശിവ സംവിധാനം ചെയ്‌ത് സൂര്യ അഭിനയിക്കുന്ന ‘കങ്കുവ’ ഗ്ലിംപ്‌സ് വീഡിയോ സോഷ്യൽ മിഡിയ കീഴടക്കിയിരിക്കുകയാണ്, സൂര്യയുടെ ജന്മദിനത്തിൽ പുറത്തിറക്കിയ ‘കങ്കുവ’ ഗ്ലിംപ്‌സ് 2 മിനിറ്റ് 22 സെക്കന്റ്‌ ദൈർഘ്യമുള്ള വീഡിയോയിൽ മാരക ലുക്കിലുള്ള സൂര്യയാണ് കങ്കുവയിൽ കാണുന്നത്, സൂര്യ ആരാധകർ കാത്തിരുന്നത് വെറുതെയായില്ല. തീപ്പൊരി ഐറ്റവുമായിട്ടാണ് ശിവയും സൂര്യയും എത്തിയിരിക്കുന്നത്.
സിനിമയുടെ അടിസ്ഥാനഘടകം മനുഷ്യവികാരങ്ങളാണെന്നും ഈ സ്‌ക്രിപ്റ്റിനായി 4 വർഷത്തോളം പ്രവർത്തിച്ചിട്ടുണ്ടെന്നും,സിനിമയുടെ കാലഘട്ട ഭാഗങ്ങൾ നടക്കുന്നത് 1500 വർഷങ്ങൾക്ക് മുമ്പാണ്. സിനിമയിൽ നിരവധി യുദ്ധ സീക്വൻസുകൾ ഉണ്ടെന്നും ശിവ ഈ അടുത്തിടെ വെളിപ്പെടുത്തിയിരുന്നു, റോളക്സിന് ശേഷം സൂര്യയുടെ ഡെവിളിഷ് അവതാരമാണ് എന്നാണ് കങ്കുവ’ ഗ്ലിംപ്‌സ് കണ്ട സൂര്യ ആരാധകർ കുറിക്കുന്നത്.
‘ദ മാൻ, ദ വൈൽഡ്, ദ സ്റ്റോറി’, ‘ഓരോ മുറിവും ഒരു കഥ പറയുന്നു’ എന്ന അടിക്കുറിപ്പോടെ മൂന്ന് വ്യത്യസമാർന്ന പോസ്റ്റർ പുറത്തു വിട്ടിരുന്നു.
തെന്നിന്ത്യൻ പ്രേക്ഷരുടെ ഇഷ്ട താരം കൂടിയാണ് സൂര്യ, അതേസമയം ആരാധകർ ഏറെ ആകാംക്ഷയോടെ കാത്തിരിക്കുന്ന സൂര്യയുടെ ചിത്രങ്ങളിൽ ഒന്നാണ് ‘കങ്കുവ’. 300 കോടിയിലധികം രൂപയുടെ ബഡ്ജറ്റിൽ ഒരുങ്ങുന്ന കങ്കുവ 3ഡി സാങ്കേതിക വിദ്യയിലാണ് ചിത്രം ചിത്രീകരിക്കുന്നത്, ഇന്ത്യയിലുടനീളം 10 ഭാഷകളിൽ ചിത്രം റിലീസ് ചെയ്യുന്ന ചിത്രത്തിന്റെ ഡിജിറ്റൽ അവകാശം സ്വാന്തമാക്കിരിക്കുന്നത് ആമസോൺ പ്രൈം വീഡിയോയാണ്.
ഗ്രീൻ സ്റ്റുഡിയോയും യുവി ക്രിയേഷൻസും ചേർന്ന് നിർമ്മിക്കുന്ന ചിത്രത്തിൽ ദിഷാ പഠാണിയാണ് ചിത്രത്തിൽ സൂര്യയുടെ നായികയായി എത്തുന്നത്, ദേവി ശ്രീ പ്രസാദാണ് സംഗീത സംവിധാനം. ഇതിനോടകം തന്നെ ചിത്രത്തിന്റെ ടൈറ്റിൽ പോസ്റ്ററും, മോഷൻ പോസ്റ്ററും ആരാധകരിൽ ഏറെ ശ്രദ്ധ നേടിക്കഴിഞ്ഞു.