കുഞ്ചാക്കോ ബോബൻ, അർജുൻ അശോകൻ, ആന്റണി വർഗീസ് എന്നിവരെ കേന്ദ്രകഥാപാത്രമാക്കി സ്വാതന്ത്ര്യം, അർദ്ധരാത്രിയിൽ അജഗജാന്തരം എന്നി ചിത്രത്തിനു ശേഷം ടിനു പാപ്പച്ചൻ സംവിധാനം ചെയ്ത് വരാനിരിക്കുന്ന ചിത്രമാണ് ചാവേർ. ചിത്രത്തിന്റെ സെക്കന്റ് ലുക്ക് മോഷൻ പോസ്റ്റർ പുറത്തിറങ്ങി.
” ടിനു പാപ്പച്ചന്റെ കലാവൈഭവം മറ്റൊരു ആകർഷകമായ സിനിമാ രത്നം നൽകുന്നു!!! ചാവേറിന്റെ അതിമനോഹരമായ സെക്കന്റ് ലുക്ക് മോഷൻ പോസ്റ്ററിന് സാക്ഷി!!! ” എന്ന അടിക്കുറുപ്പോടെയാണ് മോഷൻ പോസ്റ്റർ പുറത്തിറക്കിയിരിക്കുന്നത്.
ചിത്രത്തിന്റെ ഓരോ അപ്ഡേറ്റും പുറത്തിറങ്ങി കഴിഞ്ഞാൽ അത്ഭുതത്തോടെയാണ് പ്രേക്ഷകർ നോക്കി കാണുന്നത്, ഈ അടുത്തിടെ പുറത്തിറക്കിയ ചാവേറിന്റെ ഫസ്റ്റ് ലുക്ക് പ്രേക്ഷകരിൽ ഏറെ ശ്രദ്ധ നേടിയിരുന്നു. എന്നാൽ സെക്കന്റ് ലുക്ക് പോസ്റ്ററിൽ ആന്റണി വർഗ്ഗീസ് എവിടെ എന്നാണ് ആരാധകരുടെ ചോദ്യം.
ചിത്രത്തിൽ കുഞ്ചാക്കോ ബോബൻ അശോകൻ എന്ന കഥാപാത്രമായിട്ടാണ് എത്തുന്നത്, ഇതിനോടകം തന്നെ വാണ്ടഡ് നോട്ടീസ് രൂപത്തിൽ ചാക്കോച്ചന്റെ ലൂക്ക് പോസ്റ്റർ അണിയറ പ്രവർത്തകർ പുറത്തിറക്കി. മുടിയൊക്കെ പറ്റവെട്ടി കട്ട താടിയുള്ള ചക്കൊച്ചനെയാണ് കാണുന്നത്.
അരുൺ നാരായൺ പ്രൊഡക്ഷന്റെയും, കാവ്യാ ഫിലിം കമ്പനിയുടെയും ബാനറിൽ അരുൺ നാരായൺ, വേണു കുണ്ണപ്പിള്ളി ചേർന്നാണ് ചിത്രം നിർമ്മിക്കുന്നത്, നടനും സംവിധായകനുമായജോയ് മാത്യുവിന്റെ തിരക്കഥയിൽ മനോജ്‌ കെ.യു, സജിൻ ഗോപു, അനുരൂപ് എന്നിവരും മറ്റ്‌ അഭിനയിക്കുന്നു. ഈ അടുത്തിടെയാണ് ചിത്രത്തിന്റെ മോഷൻ ടീസർ പുറത്തിറക്കിയത്, മികച്ച പ്രതികരണമാണ് ചിത്രത്തിന് പ്രേക്ഷകരിൽ നിന്ന് ലഭിച്ചത്.