ശേഖര് കമ്മുള സംവിധാനം ചെയ്ത് വരാനിരിക്കുന്ന ധനുഷിന്റെ പേരിടാത്ത ‘ഡി51’ സിനിമയിൽ രശ്മിക മന്ദന്ന നായികയായി എത്തുന്നു, രസകരമായ ഒരു വീഡിയോയിലൂടെയാണ് രശ്മിക ഇൻസ്റ്റാഗ്രാമിൽ ഇക്കാര്യം വെളിപ്പെടുത്തിയത്. ധനുഷും രശ്മിക മന്ദന്നയും ആദ്യമായി ഒന്നിക്കുന്ന ചിത്രം കൂടിയാണ് ‘ഡി51’.
തമിഴ്, തെലുങ്ക്, മലയാളം, കന്നഡ, ഹിന്ദി ഭാഷകളിൽ പുറത്തിറങ്ങുന്ന ചിത്രം ശ്രീ വെങ്കടേശ്വര സിനിമാസിന്റെ ബാനറിൽ സുനിൽ നാരംഗും, പുസ്കൂർ, രാം മോഹൻ റാവുവും ചേർന്നാണ് ചിത്രം നിർമ്മിക്കുന്നത്, ചിത്രത്തിലെ മറ്റ് അഭിനേതാക്കളുടെയും അണിയറപ്രവർത്തകരുടെയും വിശദാംശങ്ങൾ ഇതുവരെ പുറത്തുവിട്ടട്ടില്ല.
ധനുഷിന്റെ പിറന്നാൾ ദിനത്തോടനുബന്ധിച്ച് ചിത്രത്തിന്റെ കോണ്സെപ്റ്റ് പോസ്റ്റർ റിലീസ് ചെയ്തിരുന്നു, ധനുഷിന്റെ വരാനിരിക്കുന്ന ക്യാപ്റ്റൻ മില്ലറിന്റെ ജോലികൾ പൂർത്തിയാക്കിയതിന് ശേഷം ഉടൻ ചിത്രീകരണം ആരംഭിക്കും എന്നാണ് റിപ്പോർട്ട്.