ഓണപ്രമാണിച്ച് തിയറ്ററിൽ എത്തിയ ആക്ഷൻ എന്റർടൈൻമെന്റ് ചിത്രമാണ് ആർ ഡി എക്സ് , ഷെയ്ൻ നിഗം, ആന്റണി വർഗീസ്, നീരജ് മാധവ് എന്നിവർ തകർത്ത് ആടിയ ആർ ഡി എക്സ് തിയറ്ററിൽ നിന്ന് അടിയുടെ ഇടിയുടെ മാരക എക്സ്പീരിയൻസാണ് പ്രേക്ഷകർ സമ്മാനിച്ചത്.
ആർ ഡി എക്സ് തിയറ്ററിൽ പോസിറ്റീവ് പ്രതികരണത്തിനിടെ ചിത്രത്തെ പ്രേശംസിച്ചുക്കൊണ്ട് രംഗത്തെത്തിയിരിക്കുകയാണ് തമിഴ് നടനും, നിർമ്മിതാവുമായ ഉദയനിധി സ്റ്റാലിൻ.
‘ ആർ ഡി എക്സ് മലയാളം സിനിമ! കൊള്ളാം! ഇന്ത്യയിലെ മികച്ച ആയോധന കല/ആക്ഷൻ സിനിമ! വലിയ സ്‌ക്രീനിൽ പോയി കാണൂ, ഈ സിനിമയെ പിന്തുണയ്ക്കൂ! RDX ടീമിന് അഭിനന്ദനങ്ങൾ ‘, എന്ന് ഉദയനിധി സ്റ്റാലിൻ അദ്ദേഹത്തിന്റെ സോഷ്യൽ മിഡിയയിലൂടെ പങ്കു വച്ചു. ഉദയനിധി സ്റ്റാലിൻ പങ്കു വച്ച പോസ്റ്റ് നീരജ് മാധവ് താരത്തിന്റെ സോഷ്യൽ മിഡിയയിൽ പങ്കു വച്ചുക്കൊണ്ട് ‘വളരെ നന്ദി സർ RDX കേരളത്തിന് പുറത്ത് അംഗീകരിക്കപ്പെട്ടത് അഭിമാന നിമിഷമാണ് ‘, താരം കുറിച്ചു.
ആദർശ് സുകുമാരൻ, ഷബാസ് റഷീദ് എന്നിവരുടേതാണ് തിരക്കഥ, കെ ജി എഫ്, വിക്രം, ബീസ്റ്റ് തുടങ്ങിയ ചിത്രങ്ങൾക്ക് ആക്ഷൻ രംഗങ്ങൾ കൈകാര്യം ചെയ്ത് അൻബ് അറിവാണ് ചിത്രത്തിന്റെ ആക്ഷൻ രംഗങ്ങൾ കൈകാര്യം ചെയ്യുന്നത്.
ബാബു ആന്റണി, ലാൽ, ഐമ റോസ്മി സെബാസ്റ്റ്യൻ, മഹിമ നമ്പ്യാർ, മാല പാർവതി, ബൈജു തുടങ്ങിയവരും ചിത്രത്തിൽ അഭിനയിക്കുന്നുണ്ട്.സോഫിയ പോളിന്റെ ഉടമസ്ഥതയിലുള്ള വീക്കെൻഡ് ബ്ലോക്ക്ബസ്റ്റേഴ്സിന്റെ ബാനറിൽ നവാഗതനായ നഹാസ് ഹിദായത്താണ് ചിത്രം സംവിധാനം ചെയ്തിരിക്കുന്നത്, ചിത്രത്തിന്റെ ഡിജിറ്റൽ അവകാശങ്ങൾ സ്വന്തമാക്കിയിരിക്കുന്നത് ഓടിടി പ്ലാറ്റ്ഫോമായ നെറ്റ്ഫ്ലിക്സാണ്.
ആർ ഡി എക്സ് ബോക്സ്‌ ഓഫീസിൽ ആദ്യ ദിനം തന്നെ 1.25 കോടി രൂപയാണ് നേടിയത്, അഞ്ച് ദിവസം കൊണ്ട് തന്നെ ചിത്രം കേരള ബോക്സ്‌ ഓഫീസിൽ 14 കോടിയാണ് നേടിയെടുത്തത്.