പാൻ ഇന്ത്യൻ മലയാളി താരം എന്ന പട്ടികയുടെ മുൻ നിരയിൽ തന്നെ സ്ഥാനം നേടിട്ടുള്ള നടന്നാണ് ദുൽഖർ സൽമാൻ, ദുൽഖുർ ആരാധകർ ഏറെ ആകാംഷയോടെ വരവേറ്റ കിംഗ് ഓഫ് കൊത്തയിലെ ‘കലാപക്കാര’ ആദ്യ ഗാനം പുറത്തിറങ്ങി. ജോ പോളിന്റെ വരികൾക്ക് ജേക്ക്സ് ബിജോയിയുടെ സംഗീതവും ബെന്നി ദയാലിന്റെയും ശ്രേയ ഘോഷാലിന്റെയും ജേക്സ് ബിജോയിയുടെയും ആലാപനവും ചേർന്നപ്പോൾ കിടിലൻ ലിറിക്കൽ വീഡിയോ ഗാനമാണ് ‘കലാപക്കാര’.
ടീസറിന് ശേഷമുള്ള ചിത്രത്തിലെ അടുത്ത വെടിക്കെട്ട് കൂടിയാണ് ‘കലാപക്കാര’ ഗാനം, ദുൽഖറിന്റെ പിറന്നാൾ ദിനം ആഘോഷമാക്കാൻ ഇന്ന് വൈകിട്ട് 6 മണിക്ക് 4 മിനിറ്റും 16 സെക്കന്റ്‌ ദൈർഘ്യമേറിയ ഗാനം സോണി മ്യൂസിക് സൗത്ത് എന്ന യൂട്യൂബ് ചാനലിലാണ് റിലീസ് ചെയ്തത്. സോഷ്യൽ മീഡിയയിൽ ഇപ്പോൾ തരംഗം സൃഷ്ട്ടിച്ചോണ്ടിരിക്കുന്ന ‘കലാപക്കാര’ ഗാനത്തിൽ ദുൽഖറിനൊപ്പം തെന്നിന്ത്യൻ താരം റിതിക സിംഗ് ആണ് ഐറ്റം ഡാൻസിന് ചുവടുറപ്പിക്കുന്നത്.
അഭിലാഷ് ജോഷി സംവിധാനം ചെയ്ത കിങ് ഓഫ് കൊത്ത ബിഗ് ബഡ്ജറ്റ് ചിത്രം കൂടിയാണ്, ദുൽഖറിനെ കൂടാതെ ഐശ്വര്യ ലക്ഷ്മി , ഡാൻസിങ് റോസ് ഷബീർ , പ്രസന്ന , നയില ഉഷ , ചെമ്പൻ വിനോദ് , ഗോകുൽ സുരേഷ് , ഷമ്മി തിലകൻ , ശാന്തി കൃഷ്ണ , വാടാ ചെന്നൈ ശരണം , അനിഖ സുരേന്ദ്രൻ തുടങ്ങിയവരാണ് ചിത്രത്തിൽ മറ്റ്‌ അഭിനയതാക്കൾ.
ചിത്രത്തിന്റെ ഓരോ അപ്ഡേറ്റും ആരാധകർ ആകാംഷയോടെയാണ് നോക്കി കാണുന്നത്, ഇതിനോടകം തന്നെ ചിത്രത്തിന്റെ മോഷൻ പോസ്റ്ററും, ബിജിഎം ആരാധകരിൽ ഇടം പിടിച്ചു കഴിഞ്ഞു. ദുൽഖർ സൽമാന്റെ വേഫെറർ ഫിലിംസും സീ സ്റ്റുഡിയോസും ചേർന്ന് നിർമ്മിക്കുന്ന കിങ് ഓഫ് കൊത്ത, ഓണം പ്രമാണിച്ച് ഈ വർഷം 2023 ൽ തിയറ്ററിൽ റിലീസ് ചെയ്യുമെന്നാണ് പ്രതീക്ഷിക്കുന്നത്.