Anupama Parameshwaran New Movie Paradha

‘തില്ലു സ്‌ക്വയർ’എന്ന സിനിമയുടെ വൻ വിജയത്തിന് ശേഷം, അനുപമ പരമേശ്വരൻ്റെ അടുത്ത ചിത്രം പ്രഖ്യാപിച്ചിരിക്കുകയാണ്. ‘പർധ’ എന്നാണ് ചിത്രത്തിന്റെ പേര്, ഇന്നലെ വൈകിട്ട് 4:56-ന് ടൈറ്റിലും കോൺസെപ്റ്റ് വീഡിയോയും ലോഞ്ച് ചെയ്തത് സാമന്ത റുത്പ്രഭുവും രാജും ഡികെയുമാണ്.

ചിത്രത്തിന്റെ കോൺസെപ്റ്റ് വീഡിയോയിൽ ദേവന്റെ വിഗ്രഹത്തിൽ മുഖവും കണ്ണുകളും മുടിയിരിക്കുന്നു, അതേപോലെ തുണി കൊണ്ട് തല മൊത്തം മൂടി ഇരിക്കുന്ന സ്ത്രീകൾക്കിടയിൽ അനുപമ പരമേശ്വരൻ ഒരു നാടൻ വേഷത്തിൽ നിൽക്കുന്നു. സമൂഹത്തിൽ എപ്പോഴും വിലക്കപ്പെട്ട എല്ലാ സ്ത്രീകളെ പ്രചോദിപ്പിക്കുന്ന ഒരു യാത്ര, എന്നാണ് പോസ്റ്ററിൽ സൂചിപ്പിക്കുന്നത്.

ചിത്രത്തിന്റെ ടൈറ്റിൽ വീഡിയോ സോഷ്യൽ മീഡിയയിലൂടെ പങ്കു വച്ച് അനുപമ പരമേശ്വരൻ, ‘മുമ്പെങ്ങുമില്ലാത്തവിധം കഥകളും കഥാപാത്രങ്ങളുമായി നിങ്ങളുടെ അടുത്ത് വരുമെന്ന് പറഞ്ഞു. ബ്ലോക്ക്ബസ്റ്റർ തില്ലു സ്‌ക്വയറിന് ശേഷം ഇപ്പോഴിതാ പരദയുമായി വരുന്നു, മുമ്പെങ്ങുമില്ലാത്ത ഒരു അനുഭവവും കഥയും നിങ്ങൾക്ക് സമ്മാനിക്കുമെന്ന് വാഗ്ദാനം ചെയ്യുന്നു’ എന്ന് കുറിച്ചിരുന്നു.

സിനിമാ ബന്ദിയുടെ സംവിധായാകൻ പ്രവീൺ കാന്ദ്രെഗുല സംവിധാനം ചെയ്യുന്ന ഈ ചിത്രത്തിൽ, ദർശന രാജേന്ദ്രനും സംഗീതയും മറ്റ് പ്രധാന വേഷങ്ങളിൽ എത്തുന്നുണ്ട്. മലയാളി താരം കൂടിയായ ദർശന രാജേന്ദ്രന്റെ ആദ്യ തെലുങ്ക് ചിത്രമാണ്.

ആനന്ദ മീഡിയയുടെ ബാനറിൽ വിജയ് ദൊങ്കട, ശ്രീനിവാസുലു പി, ശ്രീധർ മക്കുവ എന്നിവർ ചേർന്നാണ് ‘പർധ’ നിർമ്മിക്കുന്നത്. ചിത്രത്തിന് സംഗീതം ഓർക്കുന്നത് ഗോപി സുന്ദർ ആണ്, ചിത്രത്തിന്റെ ഷൂട്ടിംഗ് അവസാന ഘട്ടത്തിലാണ്.